Савет   школьнага музея  “Вытокі” падрыхтаваў выставу  ручнікоў, а экскурсаводы   правялі экскурсію  “Мелодыя ручніка”  для выхаванцаў дзяржаўнай установы  адукацыі  “Гродзенскі раённы  сацыяльна-педагагічны цэнтр”.

    Навучэнцы  пазнаёміліся са старажытнай  тэхналогіяй ткацтва і характэрнымі асаблівасцямі панямонскіх ручнікоў.

   Вялікую каштоўнасць мелі ручнікі з вышытай манаграмай, якія перадаваліся з пакалення ў пакаленне як рэліквія.

     Жыццё старадаўніх ручнікоў  працягваецца ў нашым музеі.А ўдзел у экскурсіі дазваляе  вучням зразумець, што ручнік не перастае размаўляць з намі на мове мінулых пакаленняў,ён нясе на сабе адбітак іх ідэалаў,светаўспрымання, веравызнання, дазваляе прачытаць зашыфраваную гісторыю жыцця людзей і прыроды, гісторыю роднага краю.

     Вучні-краязнаўцы нашай школы склалі карту  памяці спаленых у гады Вялікай Айчыннай вайны вёсак Гродзенскага раёна і  падрыхтавалі прэзентацыю “Спаленыя вёскі Гродзенскага раёна.Трагедыя і памяць”. Растраляныя, але не пакораныя- такімі  засталіся ў памяці жыхары вёсак Пузевічі, Сіні Камень, Шкленск, Полымя.

   Зацікаўленасць да музейных экспанатаў выклікала ў навучэнцаў  інтэрактыўная праграма “Старыя рэчы з гісторыяй”. Удзельнікі мерапрыемства спрабавалі ў дзеянні бязмен, маслабойку, збрую для каня.